Masterclass Gulleggsins 2022 fór af stað með beinu streymi úr hátíðarsal Grósku laugardaginn 15. janúar og hélt áfram á sunnudeginum. Bergur Ebbi gaf tóninn fyrir Masterclass helgarinnar með öflugum hvatnigarorðum sem stappaði stálinu í viðstadda.
Masterclass fór vel af stað og á eftir Bergi Ebba komu fyrirlesararnir einn eftir öðrum með drífandi og uppörvandi orð um frumkvöðlasenuna þar sem fjallað var um margvíslegar hliðar frumkvöðlastarfsins. Þátttakendur fengu innsýn í hvað þarf til að taka fyrsta skrefið, gera gott pitch deck og ná árangri.
Þau sem komu fram á laugardeginum voru, Bergur Ebbi, Stefanía stofnandi AVO, Gerður stofnandi Blush, Eydís stofnandi Zeto, Davíð stofnandi Smitten og snillingar frá Icelandic Startups, Ása, Kristín, Freyr og Sunna.
Lokadagur Masterclass Gulleggsins hófst á Unconference vinnustofum en allir þátttakendur hittust á rafrænum fundum með sérfræðingum frá Landsbankanum, Marel, KPMG, Hugverkastofu, Advel, Brunni Ventures og Crowberry Capital.
Beint streymi tók við af Unconference, rafrænu vinnustofunum þar sem þau Haraldur Hugosson frumkvöðull, Rakel Jónsdóttir, sérfræðingur hjá Tækniþróunarsjóði og Ása María Þórhallsdóttir, verkefnastjóri Gulleggsins töluðu við þáttakendur. Bergur Ebbi lauk síðan Masterclass Gulleggsins og hvatti öll til dáða.
Héðinn er nýr styrktaraðili Gulleggsins 2024
Héðinn er nýr styrktaraðili Gulleggsins, stærstu frumkvöðlakeppni Íslands. Daníel Freyr Hjartarson, yfirmaður nýsköpunar og þróunar Héðins og Ásta Sóllilja Guðmundsdóttir, framkvæmdastjóri KLAK – Icelandic Startups
25. september, 2023
