Össur er bakhjarl Gulleggsins 2024

Össur er nýr bakhjarl Gulleggsins, stærstu frumkvöðlakeppni Íslands en Hildur Einarsdóttir, framkvæmdastjóri þróunarsviðs Össurar og Ásta Sóllilja Guðmundsdóttur, framkvæmdastjóri KLAK – Icelandic Startups undirrituðu samning þess efnis á dögunum.    

Gulleggið, sem haldið hefur verið af KLAK – Icelandic Startups síðan árið 2008, er eitt af flaggskipum KLAK og hefur fest sig í sessi sem ein vinsælasta frumkvöðlakeppni á Íslandi. Allur almenningur er hvattur til að taka fyrstu skrefin í frumkvöðlasamfélaginu og umbreyta hugmynd í viðskiptatækifæri með þátttöku í Gullegginu. 

Haft er eftir Hildi Einarsdóttur, framkvæmdastjóra þróunarsviðs Össurar um samstarfið; “Nýsköpun og frumkvöðlahugsun hefur drifið okkur áfram frá stofnun og á ríkan þátt í árangri fyrirtækisins á alþjóðavísu. Það er okkur sönn ánægja að styðja við íslenska frumkvöðla sem án efa eiga eftir að auðga íslenskt atvinnulíf í framtíðinni”.

“Við hjá KLAK erum afar ánægð að svona öflugt nýsköpunarfyrirtæki eins og Össur sem er leiðandi á sínu sviði á heimsvísu sé nýr bakhjarl Gulleggsins og styðji þannig við frumkvöðla sem eru að stíga sín fyrstu skref. Stærsta frumkvöðlakeppni Íslands hefur verið mikilvægur stökkpallur fyrir sprotafyrirtæki eins og Controlant, Taktikal, Meniga, PayAnalytics og Atmonia. Við munum opna fyrir skráningu í undirbúningsnámskeið fyrir keppnina þann 13. október næstkomandi og allir frumkvöðlar sem liggja á hugmynd eru hvattir til að skrá sig,” segir Ásta Sóllilja Guðmundsdóttir, framkvæmdastjóri KLAK – Icelandic Startups. 

Deila frétt

Facebook
Twitter
LinkedIn

Fleiri fréttir

Sea Growth hlaut Gulleggið 2024

Spennuþrungið andrúmsloftið leyndi sér ekki þegar úrslit Gulleggsins 2024 voru kunngerð. Tilkynnt var um þrjú efstu sætin og vinsælasta teymið að mati almennings.  Sea Growth

Topp 10 sem keppa um Gulleggið 2024

Föstudaginn 9. febrúar fáum við að vita hvaða hugmynd hreppir Gulleggið 2024! Gulleggið, stærsta og elsta frumkvöðlakeppni Íslands er eitt af flaggskipum KLAK – Icelandic

Kick-Off Masterclass Gulleggsins 2024

Spjallaðu við sérfræðinginn sem þig vantar í teymið þitt í Grósku föstudaginn 19. janúar kl. 16:00 – 18:00!. Gulleggið, stærsta og elsta frumkvöðlakeppni Íslands er