Advania stígur inn á nýsköpunarsviðið

Advania leggur aukna áherslu á að efla nýsköpun bæði innanhúss og með því að styrkja íslenska sprota. Fyrirtækið hefur gerst bakhjarl Gulleggsins, stærstu frumkvöðlakeppni landsins.

Gulleggið er stærsta frumkvöðlakeppni Íslands hefur markað sér sess sem einn af stóru viðburðunum í nýsköpunarsenunni á Íslandi en hefur keppnin verið haldin af Klak – Icelandic Startups síðan 2008 og tóku 300 manns þátt í keppninni þegar hún var haldin síðast í byrjun árs. 

Advania vill leggja sitt af mörkum við að efla veg nýsköpunar í samfélaginu og liður í því er að styðja við viðburði á borð við Gulleggið.

,,Nýsköpun er forsenda þess að samfélagið þróist áfram. Fyrirtæki sem ekki stunda nýsköpun  verða undir og missa af lestinni. Bæði rótgróin og ný fyrirtæki þurfa að hlúa að nýsköpun. Því teljum við afar mikilvægt að styðja við fólk sem hefur kraft og seiglu í að hrinda góðum hugmyndum í framkvæmd,”segir Ægir Már Þórisson forstjóri Advania. 

“Það er mjög ánægjulegt að sjá aukna meðvitund um vægi nýsköpunar hjá stærri fyrirtækjum raungerast í samstarfi við KLAK. Það er gríðarlega mikilvægt að bakhjarlahópur Gulleggsins sé stór og fjölbreyttur og gefi þannig keppendum aðgang að breiðu tengslaneti og þekkingu. Við erum spennt fyrir samstarfinu og bjóðum Advania velkomin í bakhjarlahópinn,“ segir Kristín Soffía Jónsdóttir framkvæmdastjóri Klak – Icelandic Startups.

Deila frétt

Facebook
Twitter
LinkedIn

Fleiri fréttir

Héðinn er nýr styrktaraðili Gulleggsins 2024

Héðinn er nýr styrktaraðili Gulleggsins, stærstu frumkvöðlakeppni Íslands. Daníel Freyr Hjartarson, yfirmaður nýsköpunar og þróunar Héðins og Ásta Sóllilja Guðmundsdóttir, framkvæmdastjóri KLAK – Icelandic Startups

Stórfyrirtækið Össur er bakhjarl Gulleggsins 2024

Össur er nýr bakhjarl Gulleggsins, stærstu frumkvöðlakeppni Íslands en Hildur Einarsdóttir, framkvæmdastjóri þróunarsviðs Össurar og Ásta Sóllilja Guðmundsdóttur, framkvæmdastjóri KLAK – Icelandic Startups undirrituðu samning

Topp 10 valin í lokakeppni Gulleggsins 2023

Lokakeppni Gulleggsins fer fram þann 10. febrúar í Grósku og í beinni útsendingu á visir.is. Rýnihópur sem telur yfir 70 einstaklingar reyndra aðila úr atvinnulífinu